- 59 -

1193 April 7, Lateran.

Papst Coelestin III. bestätigt, daß die Benediktiner des Vinzenzstiftes zu Breslau wegen Verschleuderung der Klostergüter mit Zustimmung des Herzogs Boleslaus und der Patronatsherren durch Prämonstratenser ersetzt wurden.

Or. südl. Perg. Breslau St.A. Rep. 67 Nr. l (A).
Hugo, Ordinis Praemonstratensis Annales 2, probat. S. 692 = Migne 206, 986 Nr. 116; Klose, Von Breslau l, S. 223; Mosbach, Piotr syn Włodzimierza S. 99; Mal. l, Nr. 69. - SR 57; JL 16.977; Smolka, Mieszko Stary S. 478 Nr. 55; Budkowa Nr. 127; Santifaller, MIÖG 15. Erg.Bd., S. 35, 223, 297.
Vgl. Mosbach, Z. 6, S. 164; Santifaller, Nikolaus Liebental und seine Chronik der Äbte, des Breslauer Vinzenzstiftes, Analecta Praemonstratensia 25, 1949, S. 75 f., 153 j.

CELESTINUS episcopus servus servorum dei dilectis filiis . . abbati et canonicis cenobii sancti Vincentii salutem et apostolicam benedictionem. Cum in monasterio vestro, sicut venerabilium fratrum nostrorum . . Poloniensis archiepiscopi et S(iroslai) Vratizlauiensis episcopi diocesani vestri et aliorum plurium litteris intelleximus, nigri ordinis monachi fuerint instituti, pro eo, quod idem monachi male vivendo bona monasterii dilapidarunt nec sepius requisiti curaverant proprium excessum corrigere, quia timebatur, ne idem locus, qui celebris olim extiterat, per illorum iniuriam irreparabilem iacturam incurreret et quasi ad extremam pauperiem deveniret, de assensu nobilium virorum ducis Bolezlai, comitum Petri, Vlodimili et Leonardi patronorum ipsius loci, qui de illius ruina plurimum tristabantur, in ipso monasterio viros Premonstratensis ordinis deliberatione provida ordinastis. Credentes igitur, quod illa dextere sit excelsi mutatio, nos tam vestris quam predictorum nobilium precibus provocati predictam ordinationem vestram, sicut a vobis rationabiliter facta est, auctoritate apostolica confirmamus et presentis scripti patrocinio communimus. Nulli ergo omnino hominum liceat hanc paginam nostre confirmationis infringere vel ei ausu temerario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit incursurum. Datum Laterani VII idus aprilis, pontificatus nostri anno secundo.

Bleibulle an Seiden faden.

Schlesisches Urkundenbuch, Herausgegeben von der Historischen Kommission für Schlesien, Zweiter Band: 1. Lieferung 971 - 1216, 1963; 2. Lieferung 1217 - 1230, 1968; 3. Lieferung Fälschungen und Register, 1971; Bearbeitet von Heinrich Appelt, Verlag Hermann Böhlaus Nachf., Wien-Köln-Graz